Litera:Se

Se Rudyard Kipling

Se tu kan kipa a kapo tu, en tenpo ke ale en rondo tu
i lose a kapo si, an i vina a tu;
Se tu kan fide a ego tu, en tenpo ke man ale i dubi a tu,
Pero i make an a lase go dubi si:
Se tu kan arapan an fatiga no de en-i arapan,
U, en-e de-i mentira de, i dire no a mentira,
U en-e de-i odi, i begin no odi,
An ankora, i ave no a mira bon su u pale o saje su;
Se tu kan sonjo an make no a sonjo a senjore tu;
Se tu kan pensa—an make no a pensa a mudi tu,
Se tu kan enkonte a Gana an Ruina,
an ato sama se mentira-man duo e sama jusa:
Se tu kan pota ia a vere ke tu ave dire
En-i jira de mala-man go-i make a kapa-uti go sili-man,
U i mira a kose ke tu ave dona a viva, de-i ronpe,
An i unda an labora supa kon uti o antika su;
Se tu kan make a masa de gana,
an pari a ale en jira uno de jeti-an-jeti,
An i lose an begin gen en begin tu,
An i nafasa ni a name de lose tu:
Se tu kan poten a kore tu an serebe an fiba
Go-i labora go loke tu, en afa longo ke si e eki,
An den, i kipa go en tenpo ke a nulo en tu
Pero Vole ke dire a si ale: 'Kipa!'
Se tu kan pale kon masa de man an i kipa a morale tu,
U i kamina kon Raja—an lose no a senti komun,
Se u enemi no u amigo amo no i kan vunde a tu,
Se man ale i kan kipa kon tu, pero man no i kan o mui su:
Se tu kan fule a minute en-i padon no
Kon sekon sita-ten de valu de kuri longo,
Tera e tu an ale ke e en da,
An—ke e ma—tu go a Viro, fili mi!