Advertisement
Se
Rudyard Kipling

Se tu kan kipa a tu kapo, en tempo ke ale en rondo de tu
i lose a si kapo, an i vina a tu;
Se tu kan fide a tu ego, en tempo ke ale man i dubi a tu,
Pero i make an a lase go si dubi:
Se tu kan arapan an no fatiga de en-i arapan,
U, en-e de-i mentira de, i no dire a mentira,
U en-e de-i odi, I no begin odi,
An ankora, i no ave a su bon o mira u su saje o pale;
Se tu kan sonjo an no make a sonjo a tu senjore;
Se tu kan pensa—an no make a pensa a tu mudi,
Se tu kan enkonte a Gana an Ruina,
An i ato sama se da duo mentira-man e jusa sama:
Se tu kan pota ia a vere ke tu ave dire
En-i jira de mala-man go-i make a kapa-ruse go sili-man,
U i mira a kosa ke tu ave dona a viva e de-i rompe,
An i unda an labora supa kon su antika o uti;
Se tu kan make a masa de gana,
An i pari a ale en uno jira de jeti-an-jeti,
An i lose an begin gen en tu begin,
An i nafasa ni a name de tu lose:
Se tu kan poten a tu kore an serebe an fiba
Go-i labora go tu loke, afa longo ke si e eki,
An den, i kipa go en tempo ke a nulo en tu
Pero Vole ke dire a si-ale: 'I kipa!'
Se tu kan pale kon masa de man an i kipa a tu morale,
U i kamina kon Raja—an no lose a komun senti,
Se u no enemi u no amo amigo i kan vunde a tu,
Se ale man i kan kipa kon tu, pero no man i kan o su mui:
Se tu kan fule a minute en-i no padon
Kon sita-ten sekon de valu de longo kuri,
Tera e tu an ale ke e en da,
An—ke e ma—tu go a Viro, mi fili!

Community content is available under CC-BY-SA unless otherwise noted.