Mini Wiki
Advertisement

Orijen (Jenesis)[]

1:1 En begin, Deo make a selo an tera. 2 An tera e vaku an kon figura no; an si e osura en visaje de dipa: an Anima de Deo i en move en visaje de vasa.

1:3 An Deo dire, Lase ke luse i esi: an luse i esi. 4 An Deo, en-i mira en luse, i mira ke si e bon: an Deo make a divi inta luse an osura, 5 En-i name a luse a Dia, an a osura a Eve. An eve i pasa, an maten i pasa—dia uno-ranko.

1:6 An Deo dire, Lase ke bogen solidi i esi, en-i tensa via vasa, en-i divi de vasa a vasa. 7 An Deo make a bogen go divi inta vasa ke e unda bogen an da ke e supa bogen: an si e so. 8 An Deo dona a bogen a name de Selo. An a eve, an a maten—dia duo-ranko.

1:9 An Deo dire, I lase ke vasa unda selo i veni junta en loke uno, an i lase ke lan seko e de-i mira: an si e so. 10 An Deo dona go lan seko a name de Tera; an vasa junta en loke si e de-i name a Mare: an Deo mira ke si e bon. 11 An Deo dire, I lase ke gadi i veni supa en tera, an veji en-i make a semen an feruta-igi en-i dona a feruta, en ke a semen si, en-i sige a tipo si: an si e so. 12 An gadi i veni supa en tera, an veji ale en-i make a semen de tipo si, an igi ale en-i make a feruta, en ke a semen si, de tipo si: an Deo mira ke si e bon. 13 An a eve, an a maten—dia san-ranko.

14 An Deo dire, I lase ke luse i esi en bogen de selo, go divi inta dia an eve, an i lase ke si duo e go sino an go en-i sino a muta de ano an go dia an ano: 15 An i lase ke si duo e go luse en bogen de selo go-i dona a luse en tera: an si e so. 16 An Deo make a luse mega duo: luse o mega ma go-a raja de dia, an luse o mini ma go-a raja de eve: an Si make a najima. 17 An Deo pone en bogen de selo a si ale; 18 Go-i ave a inperi supa dia an eve: an Deo mira ke si e bon. 19 An a eve, an a maten—dia fo-ranko.

Kanti[]

1[]

  1. Man ke no go en junta de mala-man, u i toma en moda de mala-make-man a si loke, u en sede de da man ke no dona go Senjore a onore, e joli.
  2. Pero ke ave a joli en jura de Senjore, an menta en si jura go dia an eve
  3. Si go e sama igi de-i veji en lado de rio de vasa, ke dona en tempo dereka a si feruta; si foli i ja e midori tuju; an si i go make bon en ale si labora.
  4. Mala-make-man e no so; pero e sama farina de sereale, ke vento i toma eki.

23[]

Senjore a ovi-man mi; mi go famine no.

Si make ke mi pone unda en kanpo midori: Si lida a mi, en lado vasa resi.

Si gen-sano a anima mi: Si lida a mi, en jalan de morala-neso go rason de name Si.

Ja, en pero-pero ke mi kamina en via vali de osura de mori, mi fobo a mala no: ka Tu e kon mi; baton Tu an uka Tu i konfi a mi.

Tu redi a mesa en ante mi en loke o enemi mi: Tu santi kon ole a kapo mi; kopa mi i fusi eki.

Sure, bon-neso an piti i go sige a mi en dia ale de viva mi: An mi i go domo tuju en kasa de Senjore.

Saje-dire[]

1[]

  1. Saje-dire de Solomon, fili de David, raja de Israel
  2. Go-i ave a savi de saje edu; go-e luse de name de rason
  3. Go-e de-i uben en moda de saje, en dereka-neso an en-i jura a vere and dereka ato
  4. Go-i make a fasile-menta e akute, an go-i dona a ujana viro a savi an serio mudi
  5. Saje man, en-i ia, i veni ave a ma etudi, an ato de man de bon rason i go e de-i dereka saje:
  6. Fobo de Senjore a begin de savi: pero sili-man no ave a uti go savi an edu.


Mesaje Bon de Mati[]

Edu-Pale en Monte (Mati 5:1-12)[]

  1. An en-i mira a mega masa de man, Si go-go supa en monte, an en tempo ke Si sede, Si sige-man i veni go Si.
  2. An Si open a Si boka an i edu a si-ale, en-i dire,
  3. Man ke e pove i ja e de-i santi, ka si-ale i go ave a raja-lan de selo.
  4. Man ke melankoli a si mori-man i ja e de-i santi, ka si-ale i go e de-i konfi.
  5. Man ke e sumete i ja e de-i santi, ka si-ale i go gene a tera.
  6. Man ke famine an sete i ja e de-i santi, ka si-ale i go e de-i fule.
  7. Man ke e fule de piti i ja e de-i santi, ka si-ale e de-i go demo a piti.
  8. Man ke e pura en kore i ja e de-i santi, ka si-ale i go mira a Deo.
  9. Man ke make a pase i ja e de-i santi, ka si-ale e de-i go voka a fili de Deo.
  10. Man ke e de-i bata ka de dereka-neso i ja e de-i santi, ka si-ale i go ave a raja-lan de selo.
  11. Man ke e de-i pale de o abuso, bata, an dire o no vere a ale tipo de mala anti tu ka de Mi i ja e de-i santi.
  12. I joli an i veni e joli, ka tu gana e mega en selo, ka, en sama-sama moda, si-ale i bata a navu-man ke veni ante.


Koreo go Filemon[]

1:1 Paulo, jeo-man de Jesu Kristo, an Timoti, sibi o mi ale, go Filomen, ade-man amo en fide, 2 An go Afia, sibi o mi ale, an go Akippus, sibi o mi ale en milita Deo, an go santi-kasa en kasa tu: 3 Dona de santi go tu an pase de Deo, paren o mi ale, an Jesu Kristo Senjore.

1:4 Mi dona a puja go Deo, en tenpo ale, an i make a dua go tu: 5 Dona de Deo go tu an pase de Deo, paren o mi ale, an Jesu Kristo Senjore. En-i ia de amo an fide ke tu ave go Jesu Senjore an go santi-man ale; 6 Dona de Deo go tu an pase de Deo, paren o mi ale, an Jesu Kristo Senjore. Ke fide ke tu ave en komun kon si ale i mebi labora kon poten, en savi de kosa bon ale en tu, go Kristo. 7  Dona de Deo go tu an pase de Deo, paren o mi ale, an Jesu Kristo Senjore. Go ke mi ave a joli mega an konfi en amo tu, ka kore de santi-man i ave e de-i make poten gen via tu, sibi.

1:8 An rason, en pero-pero ke mi, en name de Kristo, i mebi dona go tu a inperi go-i make a ke e dereka, 9 Ankora, ka de amo, en loke de inperi, mi make a dua go tu, mi, Paulo, viro antika an, nun, jeo-man de Jesu Kristo: 10 Dua mi e go fili mi, Onesimus, fili de kadena mi 11 Ke en pasa e de valu no go tu, pero, nun, e de value go tu an mi: Man ke mi ave dona baka go tu, si ke a kore mi vere: 13 En pero-pero ke vole mi a go-i kipa kon mi a si, go-a dulo en kadena de mesaje bon, en loke tu: 14 Pero kon no aseta tu, mi da make a nulo; go ke labora bon tu i mebi no e de-i poten, pero de-i make libera de kore tu.

15 Ka si e mebi go rason di ke si e de-i divi de tu go tenpo some, go ke tu mebi ave tuju a si; 16 Sama dulo go tenpo ma no, pero ma sama dulo, sibi, ke e amo mui go mi besonde, pero ma mui go tu, en bodi sama en Senjore. 17 Se tu keredo den ke mi a amigo tu an sibi, i toma a si sama ego mi. 18 Se tu ave make go tu a mala ani u e en debe go tu go kosa ani, i pone go akonto mi. 19 Mi, Paulo, en-i note a di de ego mi, i dire ke, Mi go make a paga go tu: an mi dire no go tu ke tu e en debe go mi en-i kon go viva tu. 20 Rason, sibi, i lase ke mi ave a joli de tu en Senjore: i dona go kore mi en Kristo a viva nu.

21 En-e sure ke tu go make a vole mi, mi en note go tu, en savi ke tu go make a ma besonde sama ke mi dire. 22 An i make a kamera e redi go mi; ka mi en arapan ke, via dua tu, mi go e de-i dona go tu.

23 Epafras, sibi-jeo-man en Jesu Kristo, i dona go tu a amo; 24 an sibi-labora-man mi—Mark, Aristarkus, Demas, an Luk—i make so an. 25 Dona de Deo de Senjore o mi ale, Jesu Kristo, i ja e kon anima tu.

1:8 An rason, en pero-pero ke mi, en name de Kristo, i mebi dona go tu a inperi go-i make a ke e dereka, 9 Ankora, ka de amo, en loke de inperi, mi make a dua go tu, mi, Paulo, viro antika an, nun, jeo-man de Jesu Kristo: 10 Dua mi e go fili mi, Onesimus, fili de kadena mi 11 Ke en pasa e de valu no go tu, pero, nun, e de value go tu an mi: Man ke mi ave dona baka go tu, si ke a kore mi vere: 13 En pero-pero ke vole mi a go-i kipa kon mi a si, go-a dulo en kadena de mesaje bon, en loke tu: 14 Pero kon no aseta tu, mi da make a nulo; go ke labora bon tu i mebi no e de-i poten, pero de-i make libera de kore tu.

Koreo go Jude[]

1:1 Jude, dulo de Jesu Kristo an sibi de Jakobo, go man da de eleti Deo ke ave e de-i make e santi de Deo, Paren, an e de-i kipa sekura go Jesu Kristo:

1:2 Piti an pase i ja veni e mega ma.

1:3 Ale de man amo mi, en tenpo ke pensa mi e fule de koreo ke mi de en go dona eki de sava-tion komun, e nese go mi go-i dona eki go tu a uno en-i dua ke tu kon kore mi ale go-i kipa bata poten go fide ke ave e de-i dona go santi-man o tenpo uno an tuju. 4 Ka man besonde i ave veni kon tu en seketa, de-i manko eki ante en note santi go fata mala di, man kon no fobo de Deo, en-i jira a dona si en-go kosa sujo, an mentira go Senjore solo o mi ale, Jesu Kristo.

1:5 Nun, si a mudi mi go-i pone en menta a tu, tamen tu i de ave o tenpo uno a savi de kosa di ale, de moda de Senjore, en-i ave toma sekura eki de Egipto a popula, i sende afa a ruina en man da ke ave no a fide; 6 An anjo ke kipa no go raja-lan si pero go eki de loke ke e de si ale, si ave pone en kadena tuju-kipa an en eve osura tila dia mega de jura-tion. 7 An sama Sodom an Gomora, an vila en nea de si, en-i ave sama di, de-i dona supa go vole sujo a ego o si ale an de-i go afa bodi raro, i ave e de-i make a demo, en-i pasa a puni de fogo tuju-kipa.

1:8 En moda sama, sonjo-man di i make a bodi e sujo, en-i ave no a venera go sivi-poten, an i dire de inperi-man a mala. Nun, en tenpo ke Mikael, uno de anjo kapo, i de en bata anti Uno Mala go bodi de Moses, en-i fobo uti de name violenta anti si, si dire solo, Senjore i ja a jura-deside-man tu. 10 Pero man di i dire a mala de kosa ke si ave no a savi; an kosa ke si ave a savi natura, sama animo kon no rason, a rason de ruina si. 11 Vudu en si! Si ale i ave go en moda de Kain, en-i kuri kon limi no en-go ero de Balam go gana, an i ave veni a ruina, via en-i dire anti Deo a mala, sama Kora. 12 Man di a roka de-i mira no en amo-fete tu, en tenpo ke si ale i peso-toma kon tu en si, kipa-man de ovi ke, kon fobo no, i toma manja de ovi; nube kon vasa no en-i reo en fore de vento, igi kon feruta no de-i ruina, de-i mori go tenpo duo, de-i toma supa de radi, 13 nami violensa de mare, en-i reo kon umilie tu, najima en-i vaga, ke eve o osura ma da e de-i kipa tuju.

1:14 Navu-man, Enok, ke a seven-ranko afa Adam, i dire de man di, Senjore veni kon ten de kilo de santi-man si, 15 Go-a jura-deside-man de ale, an go-i dona a a deside anti ale ke ave a viva en-i favo no go si, ka de ato mala ke si ave make, an ka de kosa duro ke mala-make-man kon fobo no de Deo i ave dire anti si. 16 Di a man ke make a duro, en-i vole tuju a muta, en-i go afa joli mala, en-i uti name tingi-sono, en-i venera en arapan de gana a ranko de man.

1:17 Pero tu, ale de man amo mi, i kipa en memo a name ke e de-i dire ante de sige-man de Senjore mi,  Jesu Kristo, 18 Moda ke si ale i dire go tu, en dia fini, a man ke, de-i direto de vole mala si, i go make e sili a kosa santi. 19 Di a man ke make a divi, man natura, en-i ave no a Anima. 10 Pero tu, ale de man amo mi, en-i labora go supa en fide santi tu, an en-i make a dua en Anima Santi, 21 I kipa en amo de Deo a ego o tu ale, en-i mira go viva tuju-kipa via piti de Senjore o mi ale, Jesu Kristo. 22 An i ave a piti en man ke e en dubip 23 An, go some, i dona a sava-tion, en-i toma eki de fogo; an, go some, i ave a piti kon fobo, en-i odi an a ropa ke e de-i make de bodi e sujo.

1:24 Nun, i go a si ke kan kipa de en-i una a tu, an, go-i dona go tu a loke en fama tu, de-i libera de mala ale, kon joli mega, 25 Go Deo solo, Sava-Man o mi ale, via Jesu Kristo, Senjore o mi ale, i lase ke mi ale i dona a fama an onore an poten, ante tenpo ale an nun an tuju. Si i ja e so.

Advertisement