Litera:Biblia

Kanti

23

Senjore a ovi-man mi; mi go famine no.

Si make ke mi pone unda en kanpo midori: Si lida a mi, en lado vasa resi.

Si gen-sano a anima mi: Si lida a mi, en jalan de morala-neso go rason de name Si.

Ja, en pero-pero ke mi kamina en via vali de osura de mori, mi fobo a mala no: ka Tu e kon mi; baton Tu an uka Tu i konfi a mi.

Tu redi a mesa en ante mi en loke o enemi mi: Tu santi kon ole a kapo mi; kopa mi i fusi eki.

Sure, bon-neso an piti i go sige a mi en dia ale de viva mi: An mi i go domo tuju en kasa de Senjore.

Mesaje Bon de Mati

Edu-Pale en Monte (Mati 5:1-12)

1. An en-i mira a masa mega de man, Si go-go supa en monte, an en tenpo ke Si sede, sige-man Si i veni go Si.
2. An Si begin a boka Si an i edu a si ale, en-i dire,
3. Man ke e pove i ja e de-i santi, ka si ale i go ave a raja-lan de selo.
4. Man ke melankoli a mori-man si i ja e de-i santi, ka si ale i go e de-i konfi.
5. Man ke e sumete i ja e de-i santi, ka si ale i go gene a tera.
6. Man ke famine an sete i ja e de-i santi, ka si ale i go e de-i fule.
7. Man ke e fule de piti i ja e de-i santi, ka si ale e de-i go demo a piti.
8. Man ke e pura en kore i ja e de-i santi, ka si ale i go mira a Deo.
9. Man ke make a pase i ja e de-i santi, ka si ale e de-i go voka a fili de Deo.
10. Man ke e de-i bata ka de dereka-neso i ja e de-i santi, ka si ale i go ave a raja-lan de selo.
11. Man ke e de-i pale de o abuso, bata, an dire o vere no a tipo ale de mala en anti tu ka de Mi i ja e de-i santi.
12. I joli an i veni e joli, ka gana tu e mega en selo, ka, en moda sama, si ale i bata a navu-man ke veni ante.

Koreo go Filemon

1:1 Paulo, jeo-man de Jesu Kristo, an Timoti, sibi o mi ale, go Filomen, ade-man amo en fide, 2 An go Afia, sibi o mi ale, an go Akippus, sibi o mi ale en milita Deo, an go santi-kasa en kasa tu: 3 Dona de santi go tu an pase de Deo, paren o mi ale, an Jesu Kristo Senjore.