Advertisement

Lan de-i Uno de Amerika

Flag of the United States of America.png
USA orthographic.png
Kapo-siti
Ofisi lingua
Area   km²

Lan de-i Uno de Amerika a ego-jura paisa en Nore Amerika .

Tari

Lan de-i Uno e de-i popula uno-ranko de Orijen-Amerika-Man. Paisa e de-i make de ten-san koloni de Mega Britan en litora lado de Atlantika. En 4 de monato 7, 1776, si-ale voka a Anunsi de Ego-Ereki, ke anunsi a si ego-ereki de Mega Britan an make-tion de kon-labora junta. Rebele lan i gana anti a Mega Britan en Amerika Rebele Gera, uno-ranko mudi-teni koloni gera de ego-ereki. Mega Filadelfia Enkonte i aseta a nun-dia Base-Jura de Lan de-i Uno en 17 de monato 9, 1787; si o aseta en sige ano i make a mui lan a peso de uno repubika kon poten senta gove. Jura-Note de Dereka, en-i kon a ten muta go Base-Jura en-i voto a mui base sivi dereka an libera, e de-i aseta en 1791.

En 19-ranko sento-ano, Lan de-i Uno i toma de Frans, Espania, Raja-Lan de-i Uno, Mexiko, an Rusia a lan an i kapa a Repubika de Teksas an Repubika de Hawaii. Debate inta nonga Sude an induseri Nore en dulo-tion an dereka de kada lan i begin a Amerika Sivi Gera de ten-ano de 1860. Gana de Nore i para a tuju-kipa divi de paisa an i make pasa a fini de dulo-tion en Lan de-i Uno. En tila en ten-ano de 1870, rika de paisa e da ma mega en mundo. Espania-Amerika Gera an Mundo Gera I i make e vere a ranko de paisa sama milita poten. En 1945, Lan de-i Uno i veni eki de Mundo Gera II sama uno-ranko paisa kon atomo vepon, tuju-kipa memba de Sekura Aviso Junta de Paisa de-i Uno (UN Security Council), an base memba de NATO (Junta de Aseta de Nore-Atlantika Paisa). Fini de Kula Gera an eki-rompe de Soviet Junta i pone a Lan de-i Uno sama solo supa-poten.

Gove

Lan de-i Uno a da ma antika junta-gove en mundo. Si a repubika jura-sitema an eleti popula gove, en ke "jura de ma-peso i en kula kon dereka de meno-peso de-i defende kon jura." Gove e de-i direto de sitema de para an balansa de Base-Jura de Lan de-i Uno. Base-Jura a kapo jura note de paisa. A san rama. Si-ale a lida rama (executive), make-jura rama (legislative), an deside-jura rama (judicial). Lan gove an senta gove i make en mui sama o moda. Kada lan i ave a si ego o rama go lida, make-jura, an deside-jura. Lida rama de lan gove e de-i kapo de lan-lida (governor), en loke de paisa-lida (president).

Lida rama

Lida rama a peso de gove ke en-poten a jura. Memba de Eleti Koleki (electoral college) i eleti a president ke a lida de lida rama an lida de milita. President i kan no-voto a jura ke Kongres (Congress) i ave pasa, go ke si no veni a jura.

President i kan make an a "lida imperi" (executive orders) go-i make e sure ke popula i sige a jura. President i eleti a kapo de mui ofisi ke make a mui de dia-go-dia ato de gove. Si i name an a senta-gove jura-deside-man (federal judges). Pero, Antika-Junta (Senate), ke e peso de make-jura rama, i nese aseta kon ale de mui man ke president i eleti. President i kan labora go duo tempo de fo ano.

Make-jura rama

Make-jura rama (Legislative brach) i make a jura. Rama Make-Jura e de-i voka a Kongres. Kongres e de-i divi en-go duo "kasa". Kasa uno a Kasa de Vakili (House of Representatives). Vakili e de-i eleti de voto-man de besonde area en kada lan. Numa de vakili e de-i base en popula ke viva da. Eleti-man i labora go tempo de duo ano. Suma de eleti-man en nun-dia a 435. Lida de Kasa de Vakili a Pale-Man de Kasa. Ota kasa ota a Antika-Junta (Senate). En Antika-Junta, duo antika-man (senators) e de-i eleti go kada lan. Ka a 50 lan, a solo 100 antika-man. Aseta de president u eleti de ofisi-man i nese a aseta de antika-jura. Sige-ranko president (vice president) de Lan de-i Uno i labora sama lida de Antika-Junta. En uben, sige-ranko president e misi de Antika-Jura, an uno antika-man i labora sama lida-go-tempo (president pro tempore).

Vakili an antika-man i sujesi a jura, de-i voka a mebi-jura (bill) en kada kasa. Mebi-jura i kan e de-i voto en, de ale kasa en begin u i kan go uno-ranko go mini junta (committee), ke kan sujesi a mebi-jura go voto de ale kasa. Se uno kasa i voto pasa a mebi-jura, den, mebi-jura e de-i sende go ota kasa; se di duo i voto go si, den, si e de-i dona go president, ke kan make a mebi-jura a jura, u i kan no-voto (veto) a si. Se president i no-voto a mebi-jura, si e de-i sende baka go Kongres. Se Kongres i voto gen an i pasa a mebi-jura kon ma-peso de duo eki de san, mebi-jura i veni a jura, an no kan e de-i no-voto de president. Unda Amerika sitema de lan-isimo, Kongres no kan make a jura ke ato o dereka en lan; en loke de di, Kongres i kan uti a voto de senta-gove mone u besonde evento sama paisa epigo , go-i suga a lan, go ke si-ale i sige a senta-gove jura. Sitema e mui-peso an besonde.

Deside-jura rama

Deside-jura rama a peso de gove ke deside a ke jura i sinifi. Deside-jura rama i ave a Kapo Jura-Kamera (Engli: Supreme Court) an mui bajo jura-kamera. Se Kapo Jura-Kamera i deside ke jura e no lase de Base-Jura, den, da jura e de-i "bata unda" an a jura go no ma tempo.

Kapo Jura-Kamera i kon a nin jura-man (Engli: justice), ke e de-i name de president an de-i aseta de Antika-Junta. Uno de jura-man, de-i voka a kapo jura-man (Engli: chief justice) i labora en tila ke si mori u kite. En tempo ke da i pasa, president i name a nu man, go-i toma a loke de jura-man ke kite. Se Antika-Junta no aseta kon eleti de president, den, president i nese eleti a ota man.

Fama jura-kamera evento sama Marbury anti Madison (ke e de-i deside en 1803) i ave base-make o solidi ke Kapo Jura-Kamera a fini eki-dire-man de Base-Jura de Lan de-i Uno an i ave a poten go-i jeti eki a ani jura ke bata kon si.

Politi

Lan de-i Uno de Amerika i kon a 50 lan, 5 eki-lan, an 1 besonde area (Washington D.C.). Lan i kan make a jura de kosa en si lan, pero senta-gove jura e de kosa en-i kon a ma sama uno lan u ota paisa. En some area, se senta-gove i make a jura ke dire a vari kosa de lan jura, si-uno i nese sige a jura senta-gove ka lan jura e no sufi. Kada lan i ave a base-jura de si ego, ke a vari de paisa Base-Jura. Kada de di e sama paisa Base-Jura, ka si-ale i dire a moda ke kada lan gove e de-i base, pero some i pale an de besonde jura.

Gove de paisa an da ma de lan e de-i imperi de duo politi-junta: Repubika-Man (Engli: Republicans) an Popula-Man (Engli: Democrats). A mui de ma mini politi-junta; da ma mega de di a Libera Politi-Junta (Libertarian Party) an Midori Politi-Junta (Green Party). Si-uno i kan ade en politi kampo-labora se si favo. Si i tenta suga a politi-man, go-i ade a si; di e de-i voka a politi-pusa (Engli: lobbying). Ale Amerika-man e de-i lase make a di kosa, pero some i paga a ma mone sama ota, u en ota moda, i make ma en politi. Some man i pensa ke si a duro, an i politi-pusa go ke jura i muta.

De 2021, president a Popula-Man, an Kongres e de-i imperi de Popula-Man an. Rason, Popula-Man i ave a ma poten en senta-gove. A ankora mui Repubika-Man ke kan tenta para a Popula-Man de en-i make a kosa ke si keredo i go e mala go paisa. An, memba de junta-politi en poten i aseta o no tuju en ke si nese make. Se sufi de man i deside voto anti Popula-Man en sige eleti-tion, si go lose a poten. En repubika sama Lan de-i Uno, no uno junta-politi i kan make a ale kosa ke si vole. Ale politi-man i nese debate, i balansa a si opini, an i make a aseta kon kada ota go-i make a kosa.

Politi divi

Alien-paisa fami-tion an milita

Ekonomi

Lan de-i Uno i ave a kapitala-isimo ekonomi. Paisa i ave a rika roka vare, kon jin, kabon, an rajo-ato roka (uranium). Nonga i pone a paisa, en tingi ranko de vare-paisa de maisa, sereale, suga, an tobako. Kasa-tion i an a rondo 15% go Ale Domo Vare (Engli: GDP) de Lan de-i Uno. Amerika make a karo, avion, an eleki uti. Nea de 3/4 de Amerika-man i labora en ade-induseri.

Popula

Kulutura

Musika

Amerika
Antigua an BarbudaBahamasBarbadosBelizKanadaKosta RikaKubaDominikaRepubika DominikanaEl SalvadorGrenadaGuatemalaAyitiHondurasJumiekaMexikoNikaraguaPanamaKits an Nevis SantiLan de-i Uno de AmerikaLusia SantiVisente Santi an GrenadinesTrinidad an Tobago
ArgentinaBoliviaBrasilChileKolombiaEkuadorGianaPeruParaguaiUruguaiVenezuela
Giana Frans
Community content is available under CC-BY-SA unless otherwise noted.