Buda-isimo a relijon India de-i base en seri de edu orijen de-i mensi-dona go Gautama Buda.
Base an Idea Buda-isimo
Siddhartha Gautama (AK 563-483) begin a viva sama kinde raja de lan mini en ke a peso sude nun de Nepal. Sama matura, si kite a rika an ranko, go-i jage a vere. De-i luse en aje de 35, Buda pasa a ano 45 sige de viva si en-i safari an edu en peso nore de India. Si mori en aje de 80.
Buda i punto a mui de edu si en moda go-i supa-veni a duka. Si mira ke kosa viva ale i duka en ato de nati, maladi, aje antika, an mori. De en-i supa-veni a duka, si edu ke man i go e joli vere.
Buda a man ke?
Buda a name Pale, ke sini a "uno de-i luse". Man ke ave veka go vere de menta an duka an i edu a vere go ota, e de-i voka a Buda. Name "Buda" i sini o tenpo mui ke Buda tari de-i name Buddha Shakyamuni (Siddhartha Gautama). Buda-man i keredo no ke Buda a deo, pero ke si a man ke ave veka an kan mira a moda vere ke menta i labora. Si ale i keredo ke savi di i muta fule a man. Man di i kan ade a ota go-i veni e de-i luse, an. Man de-i luse e fara ma da de nati, mori, an gen-nati.
Keredo de Buda-isimo
Biju san
Buda-man i venera a Biju San, ke a Buda, Darma, an Sanga.
Buda i sini a uno de-i veka; Darma i sini a edu Buda; an Sanga i sini a popula ke sige a Buda an edu si.
Buda-man i dire "Mi toma a fuji en Buda, Darma, an Sanga." Si ale i loke a konfi en biju di.
Vere onore fo
Edu Buda o uno-ranko an inpotan ma da a Vere Onore Fo.
- Viva a duka.
- Rason go duka di e ke mi ale i vole ke kosa i esi en moda besonde.
- Moda go-i terapi a duka e go-i leva supa de vole di.
- Moda go-i leva supa a vole e go-i sige a Jalan Ba-Tenpo Onore, uben ke ade a mi ale go-i muta a menta an savi o mi ale.
Jalan ba-tenpo onore
Buda dire ke man i debe sige a moda besonde de viva de-i voka a Jalan Ba-Tenpo Onore, se si ale i vole savi a Vere Onore Fo.
- Opini dereka: I savi a a Vere Onore Fo.
- Pensa dereka: I jira eki de mundo an go Darma a menta si.
- Pale dereka: I dire a vere, an i pale mala no de ota.
- Ato dereka: I make no a ato mala, sama en-i side, robare, u viva o pura no.
- Viva dereka: I gana a mone en moda ke bata no a man.
- Tenta dereka: I labora make a menta tu e bon ma an mala meno.
- Menta-fule-neso dereka: I memo a Darma an i uti en tenpo ale a si.
- Dua dereka: I uben dua sama moda de en-i savi a vere-tion.
Edu Penta
Buda-man e de-i bon-veni go-i sige a edu penta:
- Mi go bata no a man u animo ke e viva.
- Mi go toma no a kosa se si e de-i dona no go mi.
- Mi go make no a ato mala sesi.
- Mi go mentira no u dire a kosa ke bata a man.
- Mi go toma no a kemi sama sake, en-i rason a no-ade-neso.
Se man vole a santi-man, si i go sige a edu ota, an.
Leje ma
- Gunaratana, Henepola (2002) Mindfulness in Plain English, Wisdom Publications (Link)
Relijon | ||
---|---|---|
Relijon Abraham | Samaritanism · Juda-relijon · Nosis-filoso · Kerusa-relijon · Islam · Rastafari-relijon | |
Relijon Darma | Indu-relijon · Jainism · Buda-relijon · Sikhism · Ayyavazhi | |
Mazdans | Ahl-e Haqq · Azali Babism · Bábism · Bahá'í Faith · Manichaeism · Mazdak · Yazidi · Zoroastrianism | |
East Asian | Cao Dai · Konfusius-filoso · Falun Gong · Shinto · Tao-relijon · Tenrikyo | |
African | Candomblé · Macumba · Umbanda · Vodou · Winti | |
New religious movements | Asatru · Druidry · Wicca · Unitarian Universalism · New Age · Mormon-relijon · Jehovah Witnesses |