Advertisement

Jurassic World: Dominion Dominates Fandom Wikis - The Loop

01:25

Buda-relijon a India relijon de-i base en seri de orijen edu de Gautama Buda.

Base an Idea de Buda-relijon

Siddhartha Gautama (AK 563-483) begin a viva sama raja-kinde de mini lan en ke a sude peso nun de Nepal. Sama matura, si kite a rika an ranko, go-i jage a vere. De-i luse en aje de 35, Buda pasa a sige 45 ano de si viva en-i safari an edu en nore peso de India. Si mori en aje de 80.

Buda i punto a mui de si edu en moda go-i supa-veni a duka. Si mira ke ale viva kosa i duka en ato de nati, maladi, antika aje, an mori. De en-i supa-veni a duka, si edu ke man i go e vere joli.

Buda a ke?

Buda a Pali name, ke sinifi a "uno de-i luse". Man ke ave veka go vere de menta an duka an i edu a vere go ota, e de-i voka a Buda. Name "Buda" i sinifi en mui tempo ke tari Buda de-i name Buddha Shakyamuni (Siddhartha Gautama). Buda-man no keredo ke Buda a deo, pero ke si a man ke ave veka an kan mira a vere moda ke menta i labora. Si-ale keredo ke di savi i muta fule a man. Di man i kan ade a ota go-i veni e de-i luse, an. Man de-i luse e da ma fara de nati, mori, an gen-nati.

Keredo de Buda-relijon

San Biju

Buda-man i venera a San Biju, ke a Buda, Darma, an Sanga.

Buda i sinifi a uno de-i veka; Darma i sinifi a Buda edu; an Sanga i sinifi a popula ke sige a Buda an si edu.

Buda-man i dire "Mi toma a fuji en Buda, Darma, an Sanga." Si-ale i loke a konfi en di biju.

Fo Onore Vere

Da ma impotan an uno-ranko Buda edu a Fo Onore Vere.

  1. Viva a duka.
  2. Rason go di duka e ke mi-ale vole ke kosa i esi en besonde moda.
  3. Moda go-i terapi a duka e go-i leva supa de di vole.
  4. Moda go-i leva supa a vole e go-i sige a Onore Ba-Moda Jalan, uben ke ade a mi-ale go-i muta a mi-ale menta.

Onore Ba-Moda Jalan

Buda dire ke man i debe sige a besonde moda de viva de-i voka a Onore Ba-Moda Jalan, se si-ale i vole savi a Fo Onore Vere.

  1. Dereka opini: I savi a a Fo Onore Vere.
  2. Dereka pensa: I jira a si menta, eki de mundo an go Darma.
  3. Dereka pale: I dire a vere, an i no pale mala de ota.
  4. Dereka ato: I no make a mala ato, sama en-i mori, robare, u no pura o viva.
  5. Dereka viva: I gana a mone en moda ke no bata a man.
  6. Dereka tenta: I labora make a tu menta e ma bon an meno mala.
  7. Dereka menta-fule-neso: I memo a Darma an i uti en ale tempo a si.
  8. Dereka Dua: I uben dua sama moda de en-i savi a vere-tion.

Penta Edu

Buda-man e de-i bon-veni go-i sige a penta edu:

  1. Mi no go bata a man u animo ke e viva.
  2. Mi no go toma a kosa se si e de-i no dona go mi.
  3. Mi no go make a mala sesi ato.
  4. Mi no go mentira u dire a kosa ke bata a man.
  5. Mi no go toma a kemi sama sake, en-i make pasa a no-ade-neso.

Se man i vole veni a santi-man, si i go sige an a ota edu.

Ma leje

  • Gunaratana, Henepola (2002) Mindfulness in Plain English, Wisdom Publications (Link)
Relijon
Relijon Abraham Samaritanism · Juda-relijon · Nosis-filoso · Kerusa-relijon · Islam · Rastafari-relijon
Relijon Darma Indu-relijon · Jainism · Buda-relijon · Sikhism · Ayyavazhi
Mazdans Ahl-e Haqq · Azali Babism · Bábism · Bahá'í Faith · Manichaeism · Mazdak · Yazidi · Zoroastrianism
East Asian Cao Dai · Konfusius-filoso · Falun Gong · Shinto · Tao-relijon · Tenrikyo
African Candomblé · Macumba · Umbanda · Vodou · Winti
New religious movements Asatru · Druidry · Wicca · Unitarian Universalism · New Age · Mormon-relijon · Jehovah Witnesses
Community content is available under CC-BY-SA unless otherwise noted.